آمریکا پرزیدنتی دونالد ترامپ آمریکادا فعالیت گوسترن کانادا شرکتلرینه یئنی تعرفه‌لردن یایینماق اوچون بیزنسلرینی تمامیله بو اؤلکه‌یه کؤچورمه‌یی تکلیف ائدیب.

Axar.az خبر وئریر کی، او، بو باره‌ده "تروث سوشال" صفحه‌سینده یازیب.

"آمریکادا بیزنس فعالیتی ایله مشغول اولان بوتون کانادا شرکتلری درحال آمریکایا کؤچسونلر. اونلارین بیر چوخو ایللر اول آمریکا رهبرلیینین یانلیش سیاستی سببیندن اؤلکه‌نی ترک ائتمیش شرکتلردیر. گئری قاییتدیغینیز زمان آرتیق هئچ بیر گمرک رسومو اولمایاجاق"،- او بیلدیریب.

ترامپ باشقا بیر پایلاشیمیندا وورغولاییب کی، کانادا ایله موجود فورمادا تجارت-اقتصادی مناسبتلر آمریکا اوچون صرفه‌لی دئییل:

"کانادا آمریکایا قارشی ان چوخ سوءاستفاده‌یه یول وئرن اؤلکه‌لردن بیریدیر. منه کانادا آوتوموبیللری لازم دئییل، کانادا احتیاط حصه‌لری لازم دئییل، منه کانادادان هئچ نه لازم دئییل. کانادا اون‌ایللیکلردیر بیزی سویور. و بو، آرتیق سونا چاتاجاق".