روسیا پرزیدنتی ولادیمیر پوتین چیخیلماز وضعیت‌ده قالیب، لاکین ضعیفلیینی گؤسترمکدن قورخور. او، دنباسی تام اله کئچیرمه‌دن محاربه‌نین باشا چاتدیریلماسینی تکجه حاکمیتی اوچون دئییل، هم ده حیاتی اوچون تهلوکه حساب ائدیر.

Axar.az خبر وئریر کی، بو باره‌ده «اکونومیست» معلومات یاییب.

«پوتین یاخینلارینا «منی آساجاقلار» دئییب. او، یای آیلاریندا بیر نئچه هفته‌لیک دوشونجه‌لردن سونرا محاربه‌نی دایان‌دیرماماق و عکسینه، قارشی‌دورمادا گرگین‌لییی داها دا آرتیرماق قرارینا گلیب. پوتینین اساس پروبلمی بؤیوک ایتکیلر فونوندا نظره‌چارپاجاق نتیجه‌نین اولماماسی‌دیر. محاربه اوزانیر، اوکراینا درونلاری روسیانین اراضی‌سینین داها درینلیکلرینه گیریر، نرمال حیات حسی ایسه تدریجا یوخ اولور. روسیادا ناراضی‌لیق آرتیر. ائلیتا آراسیندا ایسه احوال-روحیه داها دا بدبین‌دیر. بونا گؤره ده کرملین عینی واخت‌دا بیر نئچه استقامت‌ده آددیملار آتا بیلر: اوکراینایا ضربه‌لری گوجلندیرمک، آوروپایا قارشی دیورسیالاری و هیبرید محاربه‌نی گئنیشلندیرمک، همچینین یئنی سفربرلیک اعلان ائتمه‌دن جبهه‌یه داها ۳۰۰–۴۰۰ مین نفر گؤندرمک. لاکین پوتین باشا دوشمور کی، اسکالاسیا اونون هئچ بیر پروبلمینی حل ائتمه‌یه‌جک، عکسینه محاربه‌نین خرجلرینی آرتیراجاق و سیستمی داها دا غیری-ثابیتلشدیره بیلر»، - معلومات‌دا دئییلیب.