تورکیه پرزیدنتی رجب طیب اردوغان بیرلشمیش عرب امیرلیکلرینین پرزیدنتی شیخ محمد بن زاید آل نهیان ایله تلفن دانیشیغی آپاریب.

Axar.az خبر وئریر کی، بو باره‌ده تورکیه پرزیدنت آدمینیستراسیاسینین کمونیکاسیا اداره‌سی معلومات یاییب.

دانیشیق زمانی تورکیه ایله بیرلشمیش ملتلر تشکیلاتی آراسیندا ایکی‌طرفلی مناسبتلر، ائلجه ده رگیونال و گلوبال مسئله‌لر مذاکره اولونوب.

اردوغان تورکیه ایله بیرلشمیش عرب امیرلیکلری آراسیندا مدافعه صنایعسی و اقتصادیات باشدا اولماقلا، بیر چوخ ساحه‌ده امکداشلیغین آرتاراق داوام ائدجه‌یینی بیلدیریب. او، ایکی اؤلکه آراسیندا مناسبتلرین انکشافی استقامتینده سعیلرین داوام ائتدیریلدیینی وورغولاییب.

تورکیه پرزیدنتی ایران-آمریکا گرگینلیینین و رگیونداکی دیگر مناقشه‌لی پروسسلرین سونا چاتدیریلماسی اوچون رسمی آنکارانین سعی گؤستردیینی قید ائدیب.

اردوغان تورکیه‌نین صلحه یؤنلمیش دیپلماتیک تشببوسلرینین داوام ائدجه‌یینی، رگیونداکی قارداش اؤلکه‌لره قارشی هجوملاری هئچ واخت قبول ائتمه‌دیکلرینی بیلدیریب. او، دیگر رگیونال مسئله‌لرده ده تورکیه ایله بیرلشمیش عرب امیرلیکلری آراسیندا امکداشلیغین اهمیتلی اولدوغونو وورغولاییب.