ترکمنستان و قازاخیستان آمریکانین یئنی سانکسییالارینی اساس گتیره‌رک چین و روسیه‌ده‌ن ایرانا دمیر یولو ایله مال داشینماسینین دایاندیریب.

Axar.az خبر وئریر کی، بو باره‌ده ایران دمیر یوللاری شرکتی معلومات یاییب.

ایران دمیر یوللارینین آچیقلاماسینا گؤره، ترکمنستان و قازاخیستان واشنگتونون گوجلندیریلمیش سانکسییا تضییقیندن سونرا ایرانا گئدن دمیر یولو یوکلرینین کئچیدینه محدودیتلر قویوبلار. بو مسئله چین و روسیه‌ده‌ن ایرانا مال داشیماق اوچون اسیفاده ائدیلن قورو و دمیر یولو مارشروتلارینی پوزا بیلر.

بو مسئله‌ین اهمیتی اوندان عبارت‌دیر کی، ایران سون ایللرده چین، روسیه و اورتا آسیا اؤلکه‌لری ایله تجارتینین بیر حیصه‌سینی دمیر یولو دهلیزلری انکشاف ائتدیرمکله قورو یولو ایله حیاتا کئچیرمه‌یه چالیشیب. اهمیتلی مارشروتلاردان بیری چین‌دن اورتا آسیایا، سونرا تورکمنستانا و نهایت سرخس سرحدی واسطه‌سیله ایرانا داخیل اولان شبکه‌دیر. دیگر مارشروتلار دا قازاخیستان، ترکمنستان و روسیه‌ده‌ن ایرانین دمیر یولو شبکه‌سینه قوشولور.

آمریکانین یئنی سانکسییالاری همچینین ایرانلا علاقه‌لی اهمیتلی بیر سیرا اقتصادی و لجستیک شبکه‌لرینی هدف آلیب و واشنگتن سون آیلاردا تهرانلا ایش گؤره‌ن خارجی طرفلره تضییق گؤسترمک اوچون ایکینجی درجه‌لی سانکسییالاردان استفادنی وورغولاییب.