آمریکا روسیا-اوکراینا محاربه‌سی ایله باغلی اوچ‌طرفلی دانیشیقلارین کئچیریلمه‌سینه امید ائدیر، لاکن طرفلر آراسیندا عمومی باخیشین اولمادیغینی دا اعتراف ائدیر.

Axar.az خبر وئریر کی، بو باره‌ده آمریکا پرزیدنتینین خصوصی نماینده‌سی جارد کوشنر بیلدیریب.

اونون سؤزلرینه گؤره، آمریکا نماینده هیئتی مسکوا و کیئوده کئچیریله‌ن سون دانیشیقلار راوندوندان راضی‌دیر و اوچ‌طرفلی گؤروشون ممکون قدر تئز کئچیریلمه‌سینه امید ائدیر.

بونونلا یاناشی، کوشنر طرفلرین آرزو اولونان نتیجه ایله باغلی اورتاق مؤوقعیینین اولمادیغینی قید ائدیب و ان چتین مسئله‌نین اراضی مسئله‌سی اولاراق قالدیغینی تصدیقله‌ییب:

«ان چتین مسئله اولکی کیمی اراضی مسئله‌سیدیر. دوشونورم کی، بو، آچیق شکلده معین درجه‌ده دؤیوش میدانیندا باش وئرنلرله باغلیدیر. بو باخیمدان وضعیت کفایت قدر دینامیکدیر».

اونون فکرینجه، تخنولوگییا ساحه‌سینده‌کی انکشاف و دؤیوش میدانیندا باش وئرن حادثه‌لرین گئدیشی هر ایکی طرفین گؤزلنتیلرینی اوسته‌له‌ییر:

«امید ائدیریک کی، تئزلیکله بونو اوچ‌طرفلی دانیشیقلار چرچیوه‌سینده مذاکره ائده بیلجه‌ییک. بیز بو گؤروشو تشکیل ائتمک اوچون چالیشیریق و منجه، بو، اساس مقصدلردن بیریدیر».

«اگر اوکراینا همین خطه (دونباس نظرده توتولور – رئد.) قدر گئری چکیلمه‌یه راضی اولسایدی، آچیق شکلده دئیه بیلردیک کی، راضیلاشمانین قالان حصه‌سی آرتیق حاضیرلانیب و راضیلاشدیریلیب. هله‌لیک اوکراینا بونو ائتمک ایسته‌میر. البته، واسطه‌چیلر کیمی بیزیم وظیفه‌میز اونلارین ایستکلرینه ضد اولمایان و مقصدلرینه چاتمالارینا کمک ائد‌جک یارادیجی بیر حل یولو تاپماقدیر. عینی زمان‌دا، روسیانی مناقشه‌نی دایاندیرماغا ایناندیرمالییق کی، هر ایکی طرف گله‌جکده بئله بیر وضعیتین تکرارلانماسینین قارشیسینی آلاجاق چرچیوه‌ده ایر‌لیله‌یه بیلسین».