روسیا آویاضربه‌لری نتیجه‌سینده اینفراستروکتورا و اساس فوندلارا دیه‌ن ضررین بو ایل تخمیناً ۱۰ میلیارد دلار اولاجاغی گؤزله‌نیلیر. هجوملار و لیمانلارین فاکتیکی بلوکاداسی نتیجه‌سینده اؤلکه‌نین عمومی اقتصادی ایتکیلری ایسه اودم-این تخمیناً ۱،۵ فایز بندینه برابردیر.

Axar.az خبر وئریر کی، بونو اوکراینانین اقتصادیات ناظیری آلکساندر کراوچنکو بیلدیریب.

«هم روسیا هجوملاری نتیجه‌سینده هر گون داغیدیلان کریتیک اینفراستروکتور باخیمیندان، هم ده اؤلکه‌ده‌کی عمومی اقتصادی وضعیت باخیمیندان چوخ آغیر قیش گؤزله‌ییریک. بوتون بونلار بودجه‌نین و مالیه امکانلارینین سون درجه محدود اولدوغو بیر شرایطده باش وئریر

آرتیق ایکی هفته‌دن چوخ‌دور کی، روسیا کیئوه رئاکتیو محرکلی پیلوتسوز اوچوش آپاراتلاریندان استفاده ائتمکله ضربه‌لر ائندیریر. بو هجوملار اهالینین نرمال حیاتینا، بیزنسین فعالیتینه و دولت قوروملارینین ایشینه جدی تأثیر گؤستریر.

مسکوا همچنین اوکراینانین قارا دنیز لیمانلارینی فاکتیکی اولاراق بلوکلاییب و اؤلکه‌نین جنوب بؤلگه‌لرینه هوا ضربه‌لرینی گوجلندیریب»، - او قید ائدیب.
کراوچنکونون سؤزلرینه گؤره، بلوکادا نتیجه‌سینده تخمیناً ۴۰ میلیارد دلار حجمینده اخراج گلیری تهلوکه آلتینا دوشوب.

او قید ائدیب کی، محاربه گئتدیکجه داها باها باشا گلیر و اوکراینا آرتیق اولکی ایللرده اولدوغو کیمی مدافعه خرجلرینی یالنیز داخلی مالیه منبعلری حسابینا قارشیلایا بیلمیر.