کاباردین-بالکار رسپوبلیکاسینین بزنگی دره‌سینده قار اوچقونو دوشه‌ن اراضیده آختاریش-خلاص‌ائتمه عملیاتی باشا چاتیب.

Axar.az روسیا مدیاسینا استنادن خبر وئریر کی، بو باره‌ده اؤلکه‌نین فوق‌العاده حاللار ناظیرلیینین البروس یوکسک داغلیق آختاریش-خلاص‌ائتمه دسته‌سیندن بیلدیریلیب.

"مرکب آختاریش-خلاص‌ائتمه ایشلرینین یئددینجی گونونده میژیرگی بوزلاغیندا قار اوچقونو آلتیندان بوتون ۱۷ نفرین میتی تاپیلاراق چیخاریلیب. میتلر نالچیک شهرینه چاتدیریلیب"، - معلوماتدا دئییلیر.

قید اولونوب کی، آختاریش ایشلرینه مختلف رگیونال گروپلاردان ۷۱ خلا‌ص‌ائدیجی، همچنین "بزنگی" آلپینیست دوشرگه‌سینین تعلیماتچیلاری، کونوللولر، حکیملر، یانغینسؤندورنلر، آویاسیا و "روسگواردیا" جلب ائدیلیب.

خاطیرلاداق کی، سنتیابرین ۶-دا کاباردین-بالکارین بزنگی دره‌سینده میژیرگی داغیندان مارشروت اوزره حرکت ائد‌ن ۳۳ آلپینیستدن عبارت گروپون اوزرینه اوچقون دوشوب. اونلاردان آلتیسی خسارت آلیب و خسته‌خانایا یئرلشدیریلیب، داها ۱۰ نفر ایسه مستقل شکلده آشاغی ائنیب. قالانلاری هلاک اولوب.

حادثه ایله علاقه‌دار روسیا استنطاق کمیته‌سینین استنطاق ارگانلاری طرفیندن سهلنکارلیقلا باغلی جنایت ایشی آراشدیریلیر.