آمریکالی میلیاردرلر ایلان ماسک و سم آلتمان «آنتروپیک» شرکتینین رهبری داریو آمودینین قاباقجیل صونعی اینتللکتین انکشاف تمپینین آزالدیلماسی چاغیریشینی دستکله‌ییب.

Axar.az خبر وئریر کی، بو باره‌ده «گاردیان» معلومات یاییب.

«داریو حاقلی‌دیر»، - ماسک اکس سوسیال شبکه‌سینده یازیب.

او، اوزون ایللردیر صونعی اینتللکتین یاراتدیغی تهلوکه‌لر باره‌ده خبردارلیق ائتدیینی خاطیرلادیب. ماسک ۲۰۱۴-جو ایلده صونعی اینتللکتین حاضرلانماسی زمانی سون درجه احتیاط‌لی داورانماغین واجبلیی ایله باغلی وئردیی آچیقلاماسینا دا استناد ائدیب.

آلتمان دا آمودینین مؤوقعیینی دستکله‌ییب:

«داریو ایله راضییام کی، قاباقجیل تخنولوگیالارین انکشاف تمپینی یاواشلاتمالییق».

آلتمان مستقل اکسپرتلرین صونعی اینتللکتین حاضرلانماسی پروسسلرینه دائمی چیخیشینین تامین ائدیلمه‌سینی مثبت قیمتلندیریب و «اوپن‌ای‌آی»ین دا اوخشار یاناشمانی تطبیق ائتمک نیتینده اولدوغونو بیلدیریب.

قید ائدک کی، آمودی داها اول صونعی اینتللکتین حدیندن آرتیق سرعتلی انکشافینین جدی نتیجه‌لره سبب اولا بیلجیی باره‌ده خبردارلیق ائدیب.

او، نظارتین یئترلی اولمادیغی تقدیرده داها گوجلو صونعی اینتللکت آگنتلرینین گله‌جکده «بوتون اینترنتی اله کئچیره»، دایانیقلی بوتنت شبکه‌سی یارادا و نتیجه‌ده یوز میلیاردلارلا دلار ضرر وورا بیلجه‌یینی احتمال ائدیب.

آمودینین تکلیفی مستقل متخصصلرین تهلوکه‌سیزلیک تدبیرلرینه رعایت اولونماسینا نظارت ائتمک، اینسیدنتلری آراشدیرماق و صونعی اینتلکت مدللرینین داورانیشینی قیمتله‌ندیرمک اوچون ترتیباتچیلارین سیستملرینه دائمی چیخیش الده ائتمه‌سینی نظرده توتور.

آمریکا پرزیدنتی دونالد ترامپین علم و تخنولوگیالار شوراسینین هم‌صدری دیوید ساکس ایسه بیلدیریب کی، تخنولوگیا شرکتلرینین صونعی اینتللکتین انکشافینی اؤز تشببوسلری ایله یاواشلاتماسی اوچون هر هانسی اجازه‌یه احتیاجی یوخدور.