تورکیه‌نین یئنی «ایها-۳۰۰» هیپرسئس راکتی ۲۵۰ کیلومتردن چوخ مسافه‌ده یئرلشه‌ن هدفی دقیق ووروب.

Axar.az خبر وئریر کی، بو باره‌ده روکتسان مدافعه شرکتینین باش دیرکتورو موراد ایکینجی ژورنالیستلره معلومات وئریب.

او بیلدیریب کی، هدف قارا دنیزین آکواتورییاسیندا وورولوب:

«اوچوش مسافه‌سی ۳۰۰ کیلومتردک اولان بو «هوا-یئر» تیپلی هیپرسئس راکتلری سایه‌سینده تورکیه حربی هوا قوه‌لرینین امکانلاری اهمیتلی درجه‌ده گئنیشلنه‌جک. بیز بو استقامتده ایشلنیب حاضرلانان محصوللارین سیاهیسینی گئنیشلندیرمیی هدفله‌ییریک».

او قید ائدیب کی، یئنی راکتلرین هم حربی طیاره‌لرین، هم ده ضربه تیپلی پیلوتسوز اوچوش آپاراتلارینین سلاحلانماسینا داخل ائدیلمه‌سی پلانلاشدیریلیر.

روکتسان-این باش دیرکتورو همچنین ۱۰۰۰ کیلومتردن چوخ مسافه‌ده‌کی هدفلری وورماق امکانینا مالک دیگر تورکیه بالستیک راکتی اولان تایفون بلوک-۴-اون یاخین زماندا سریالی استحصالینا باشلاناجاغینی آچیقلاییب.