روسیا پرزیدنتی ولادیمیر پوتین و ارمنستانین باش ناظیری نیکول پاشینیان ایروانین آوروپا بیرلیینه عضولوک استقامتینی و بونونلا باغلی مسئله‌لری مذاکره ائتمک اوچون آیریجا ایکی‌طرفلی گؤروش کئچیرمک باره‌ده راضیلیغا گلیب.

Axar.az خبر وئریر کی، بو باره‌ده روسیانین خارجی ایشلر ناظیری سرگی لاوروو بیلدیریب.

«پرزیدنت پوتین و باش ناظیر پاشینیان بیشککده گؤروشدولر. اونلار بوتون بونلاری آچیق شکلده مذاکره ائتمک اوچون آیریجا ایکی‌طرفلی گؤروش کئچیرمک باره‌ده راضیلیغا گلیبلر»، – دئیه لاوروو وورغولاییب.

اونون سؤزلرینه گؤره، گؤروش داها سونرا باش توتاجاق. روسیا خارجی ایشلر ناظیرلیی رهبری قید ائدیب کی، مسکوا ارمنستانین طرفداشلارینی و انکشاف استقامتینی سئچمه‌سینه مانع اولماق نیتینده دئییل.

بونونلا بئله لاوروو بیلدیریب کی، روسیا ارمنستانین آوروپا بیرلیینه عضولویه حاضرلیغینی اؤلکه‌یه وئریله‌ن گذشتلر حسابینا مالیه‌لشدیرمک نیتینده دئییل.

قید ائدک کی، پوتین و پاشینیان سنتیابرین اولینده بیشککده کئچیریله‌ن شانخای امکداشلیق تشکیلاتینین ساممیتی چرچیوه‌سینده گؤروشوبلر.