آمریکا بیرلشمیش اشتاتلارینین حوثیلرله آتشکس راضیلاشماسینین اوزون چکجیی شبهه دوغورور. حوثیلر آمریکا گمیلرینه هجوم ائتمه‌یه‌جکلرینی و واشینگتنلا ۲۰۲۵-جی ایلده الده اولونان آتشکسه صادق قالاجاقلارینی بیان ائدیبلر. حوثیلر سعودیه عربیستانینین گمیلری استثنا اولماقلا دیگر اؤلکه‌لرین، او جمله‌دن آمریکا و اسرائیلین گمیلرینه هجوم ائتمه‌یه‌جکلرینی وعد وئریبلر. آنجاق بو وعدین یئرینه یئتیرلجیی ده شوبهه دوغورور. چونکی حوثیلری سلاحلاندیران و مالیه‌لشدیرن سپاه گنراللاریندان امر گلرسه، قیامچیلار آمریکالیلالارا وئردیکلری وعدی اونودا دا بیلرلر.

Axar.az خبر وئریر کی، بو سؤزلری پولیتولوق ائلخان شاهین‌اوغلو قید ائدیب.

او خاطیرلادیب کی، سعودیه عربیستانی دا حوثیلرله آتشکسه نایل اولماغا چالیشیر:

«آمریکایلا حوثیلر آراسین‌دا واسطه‌چی اولان عمانین امکانلاریندان سعودیه عربیستانی دا فایدالانماق ایسته‌ییر. حوثیلر سعودیه عربیستانی ایله راضیلاشمانین علیه‌اینه دئییللر، ساده‌جه بونون رئاللاشماسی اوچون ریاضدان یمنین هوا، قورو و دنیز یولو ایله بلوکاداسینا تام سون قویولماسینی طلب ائدیرلر. حوثیلرین بیر باشقا طلبی سعودیه عربیستانینین یمندن حربی، تهلوکه‌سیزلیک و سیاسی قوه‌لرینی چیخارماسی و تضمینات اؤد‌مه‌سی اوچون فوندون یارادیلماسیدیر.

ریاض بو طلبلری قبول ائتمه‌یه حاضر دئییل. بو سببدن بؤلگه‌ده توققوشمالارین داوام ائدجه‌یینی پروگنوزلاشدیرماق اولار.

حوثیلرین سعودیه عربیستانینا هجوملارینی داوام ائتدیرمه‌سی ریاضین استراتژی متفیقی اولان آمریکانی چتین وضعیته سالیب. بئله چیخاجاق کی، حوثیلرله آتشکسه نائل اولان واشینگتن یمن قیامچیلارینین سعودیه عربیستانینا هجوملارینا سئیرچی قالاجاق. موجود وضعیت آوگوستون ۷-ده مکه‌ده سعودیه عربیستانینین تورکیه و پاکیستانلا امضالادیغی اتفاق سازشی اوچون جدی سیناقدیر. پاکیستان و تورکیه «مکه پاکتی»نا گؤره بیر طرفدن سعودیه عربیستانینا رئال دستک وئرمه‌لی، او بیری طرفدن محاربه‌نین آلوولانماسینین قارشی‌سینی آلمالیدیرلار. پاکیستانلا سعودیه عربیستانی آراسیندا متفیقلیک اوزون ایللری احاطه ائدیر. اونا گؤره ریاضین اساس دستک گؤزلنتیسی اسلام‌آبادداندیر. اسلام‌آباد ریاضی ایناندیرمالیدیر کی، اونون مدافعه عهده‌لیی رئال چکییه مالیکدیر. آنجاق پاکیستان عینی زمان‌دا اؤزونو باشقا بیر یاخین شرق محاربه‌سینه جلب ائتمه‌مه‌لی و حوثیلری دستکله‌یه‌ن تهرانلا مناسبتلرینی پوزمامالیدیر. اسلام‌آباد تهرانلا علاقه کاناللارینی آچیق ساخلاماغا اوستونلوک وئریر. بو وضعیتده بیر گروپ «مکه پاکتی»ندا درحال مدافعه مقصدیله جواب تدبیرلرینین عکس اولونمادیغینی بیلدیریر، دیگرلری ایسه عکسینه، تجاوزه قارشی بیرگه مبارزه مخانیزمینین ایشه دوشمه‌سی قناعتینده‌دیر. بو غیر معینلیک «مکه پاکتی» ایله باغلی سواللارین سایینی آرتیریب. حادثه‌لرین انکشافی گؤستریر کی، «مکه پاکتی»نین قبولو داها چوخ سعودیه عربیستانینا لازم ایدی. آنجاق اگر همین پاکت سعودیه عربیستانینی حوثیلرین هجوملاریندان قورویا بیلمه‌یه‌جکسه، سازشین دیری آزالاجاق.

موجود وضعیت چینی ده ناراحات ائدیر. پکین اسلام‌آبادین ان مهم استراتژی و حربی طرفداشلاریندان بیریدیر و عینی زمان‌دا سعودیه عربیستانی ایله گئتدیکجه داها سیخ مناسبتلر قوروب. آنجاق پکین ده سعودیه عربیستانینی حوثیلردن قوروماق فکرینده دئییل. پکینین یگانه تکلیفی یاخین شرق اوچون یئنی تهلوکه‌سیزلیک آرخیتکتوراسینین قورولماسیدیر. حاضیرکی شرطلر آلتیندا یاخین شرقده بئله بیر آرخیتکتورانین قورولماسی پراکتیک باخیمدان ممکون دئییل. آوروپا اؤلکه‌لری ایسه سعودیه عربیستانی ایله ساده‌جه همرایلیک نمایش ائتدیریبلر. آوروپا بیرلیی بؤلگه‌ده باش وئرنلردن ناراحات اولسا دا، پروسسه قاریشماق ایسته‌میر».