روسیه اوردوسونون یئنی تاکتیکاسینا گؤره اوکراینین هر آی، تخمیناً، ۲۷ مین حرب‌چیسی هلاک اولوب.

Axar.az خبر وئریر کی، بو سؤزلری لهستانین باش ناظری دونالد توسک دئییب.

توسک قید ائدیب کی، روسیه‌نین یئنی استراتژیسی راکتیو پیلوت‌سوز اوچوش آپاراتلاریندان کوتلوی استفاده‌یه اساس‌لانیر.

"سون دؤورده چوخ منفی کاراکترلی دییشیک‌لیک باش وئریب. روسیه یئنی تیپ پیلوت‌سوز اوچوش آپاراتلارینی – راکتیو درونلاری گئنیش شکیل‌ده تطبیق ائدیر. بو درونلار داها یوکسک سرعتله حرکت ائدیر و هدفی وورمازدان اول داها بؤیوک یوکسک‌لیکلرده فعالیت گؤستریر"، – دئیه توسک بیلدیریب.

اونون سؤزلرینه گؤره، سون واختلار اوکراین‌دا هر آی ۲۷ مین نفر هلاک اولور و یا یارالانیر کی، بو دا محاربه‌نین گئدیشینده ان یوکسک گؤستریجیلردن بیری‌دیر.

لهستان حکومت باش‌چیسی بئله تندنسییانین داوام ائدجه‌یی تقدیرده اوکراین اوچون قارشی‌دان گلن قیشین "فاجعه‌لی نتیجه‌لره" سبب اولا بیلجه‌یینی دئییب.

توسک علاوه ائدیب کی، روسیه اوکراینین اقتصادیاتینی و لوجیستیکا سیستمینی ممکن قدر گئنیش میقیاس‌دا محو ائتمه‌یی هدفله‌ییر.

او بیلدیریب کی، یاخین دؤورده آلتی بؤیوک اوکراین شهرینه یوکسک اینتئسیولیکلی هجوملارین، او جمله‌دن مدافعه اوچون واجب محصوللارین ساخلاندیغی آنبارلارا و دمیر یولو اینفراستروکتورونا ضربه‌لرین گؤزله‌نیلدیی باره‌ده معلوماتلار وار.