قیرغیزیستاندا «آلاشان» اتلیک-یاغلی قویون جنسیندن اولان قوچ ۱ میلیون دلارا ساتیلیب.

Axar.az خبر وئریر کی، بو باره‌ده قیرغیزیستان مطبوعاتی معلومات یاییب.

معلوماتا گؤره، سؤودلشمه بو جنسدن اولان اتلیک-یاغلی قویونلارین انکشافینا حصر اولونموش بین‌الخالق فستیوال چرچیوه‌سینده باش توتوب:

«تدبیرده اؤزبکیستان، روسیا، تاجیکیستان، قازاخیستان و قیرغیزیستاندان اولان فرمرلر، ائلجه ده آقرار سکتورون نماینده‌لری اشتراک ائدیبلر. ساتیلان قوچ ۲۰۲۳-جو ایلده قازاخیستاندا ۱۵۰ مین دلارا ساتیلان مشهور «فرانکل» آدلی قوچون نسلیندندیر».

قید ائدک کی، «آلاشان» جنسی قیرغیزیستاندا ۲۰۲۱-جی ایلده رسمی قیدیاتا آلینیب. بو قویونلار نهنگ اؤلچولری، بؤیوک چکیلری، سرعتلی بؤیومه‌لری، همچنین یوکسک داغلیق اراضیلرین سرت اقلیم شرایطینه، چؤل وادیلرینه و تؤوله شرایطینده بسلنمه‌یه یاخشی اویغونلاشمالاری ایله قیمتلندیریلیر.