ایران محکمه‌سی ۱ ایل اول بو اؤلکه‌ده حبس ائدیلن آلمان وطنداشی تورکیه‌لی سرکان ائره‌نی ۱۰ ایل حبس جزاسینا محکوم ائدیب.

Axar.az خبر وئریر کی، بو باره‌ده اشتوتگارت‌دا یئرلشن ایستلپ یاردیم تشکیلاتی معلومات یاییب.

هومانیست میسیا ایله ایرانا گلدیکدن سونرا حبس ائدیلن ۴۲ یاشلی ائرنه قارشی "دوشمن دولتله علاقه" اتهامی ایر‌لی سورولوب.

ایستلپ تشکیلاتی حکمه اعتراض ائد‌رک، وئریلن جزانی عدالت‌سیز ساییب و سرکان ائره‌نین و دیگر علاقه‌لی شخصلرین تهلوکسیزلیینی قوروماق اوچون حاضردا ایش باره‌ده علاوه معلومات درج ائتمیجه‌یینی آچیقلاییب.

سرکان ائره‌ن ۲۴ ژوئن ۲۰۲۵-جی ایلده ایرانا هومانیتار یاردیم گتیردیک‌دن سونرا حبس ائدیلیب و اوزون مدت اونون عائله‌سینه و آلمان حکومتینه محبوسون تالعی باره‌ده معلومات وئریلمه‌ییب.

ایرانا سیاحت ائتمزدن اول ائره‌ن آلمانین ۱-جی تلویزیون کانالینا وئردیی مصاحیبه‌ده آنلاشیلمازلیقلارین قارشی‌سینی آلماق اوچون پیک تلفونو، گولله کئچیرمه‌ین ژیلت و یا دبیلقه ده داخیل اولماقلا هئچ بیر رابطه و یا قورویوجو واسطه گتیرمه‌دیینی و ایرانا یالنیز چانتا ایله گیرجه‌یینی بیلدیرمیشدی.

سئرکان ائره‌ن یاردیم فعالیتینه ۲۰۱۵-جی ایلده، اروپادا قاچقین بحرانی ایله عینی واخت‌دا باشلاییب. ۲۰۲۳-جو ایلده او، بو اؤلکه‌نین پرزیدنتین‌دن آلمان فدراتیو رسپوبلیکاسینین لیاقت اوردئنینی آلیب.

دویچه وله بو شخصی "تورکیه-آلمان وطنداشی" کیمی تقدیم ائتسه ده، ایستلپ یاردیم تشکیلاتینین عضولری اونون آلمان وطنداشلیغینا مالیک اولمادیغینی و ساده‌جه بو اؤلکه‌نین ساکینی اولدوغونو بیلدیریبلر.