قازاخیستان‌دا ۲۵ سنتیابر ملی ماتم گونو اعلان اولونماسی ایله علاقه‌دار تورک دولتلری تشکیلاتینین (ت.د.ت) کاتبلیینده‌کی بایراقلار همرایلیک علامتی اولاراق یارییا ائندیریلیب.

Axar.az خبر وئریر کی، بو باره‌ده ت.د.ت معلومات یاییب.

«قارداش قازاخیستان خالقی ایله همرایلیک نمایش ائتدیرمک، ائلجه ده دونه‌ن خزر دنیزینده قازاخیستان رسپوبلیکاسی حربی دنیز قوه‌لرینین کئچیردیی حربی تعلیملر زمانی هلاک اولان حربی قوللوقچولارین خاطره‌سینی یاد ائتمک مقصدیله دولت بایراقلاری یارییا ائندیریلیب. بو کدرلی گونده قارداش قازاخیستان خالقینین، هلاک اولان حربی قوللوقچولارین عائله‌لرینین و یاخینلارینین کدرینی بؤلوشور، درین حزنله باشساغلیغی وئریریک»، – دئیه معلوماتدا بیلدیریلیب.

خاطیرلاداق کی، اؤتن گون قازاخیستان‌دا هوا شرایطینین کسکین پیسلشمه‌سی سببیندن خزرده تعلیملر زمانی حرب‌چیلری آخین آپاریب، ۱۴ نفر هلاک اولوب.