بریتانیا پلیسی آمریکا حربی هوا قوه‌لری طرفیندن استفاده اولونان «راف فیرفورد» آویابازاسی یاخینلیغینداکی اراضینی بوشالدیب و بیر نئچه نفری ساخلاییب.

Axar.az خبر وئریر کی، بو باره‌ده «بلومبرگ» معلومات یاییب.

معلوماتا گؤره، اینگیلتره‌نین جنوب غربینده یئرلشه‌ن اولفورد اراضی‌سینده پلیس «بؤیوک اینسیدنت» اعلان ائتدیکدن سونرا بیر نئچه ائوین ساکنلرینی تخلیه ائدیب و بیر نئچه شخصی ساخلاییب.

ساخلانیلان شخصلر پارتلاییجی مادده‌لر حاقیندا قانونلا نظرده توتولان جنایتلری تؤرتمکده شبهه‌لی بیلینیرلر. اراضیده اردویا مخصوص پارتلاییجی مادده‌لرین ضررسیزلشدیریلمه‌سی گروپو بیر نئچه آوتوموبیلی یوخلاییب.

یئرلی ساکنلر یاخینلیقداکی استراحت مرکزینه تخلیه ائدیلیب و اراضی محاصره‌یه آلینیب.