آمریکا حرب‌چیلری کوبایا قارشی ممکن حربی عملیاتلارا حاضرلیق ایشلری آپاریر.

Axar.az خبر وئریر کی، بو باره‌ده "جی‌بی‌اس نیوز" آمریکا اوردوسونون داخیلی سندینه استنادلا معلومات یاییب.

معلوماتا گؤره، آمریکانین کوبایا مداخیله‌سی یاخین آیلاردا باشلایا بیلر:

"آمریکا اوردوسونون احتیاط قوه‌لری جنوب کوماندانلیغینین ترکیبینه علاوه بؤلمه‌لرین، او جمله‌دن حربی پلیس، طب ایشچیلری و دیگر دستک قوه‌لرینین جلب ائدیلمه‌سی امکانینی نظردن کئچیریر.

صحبت بو بؤلمه‌لرین یاخین ۴ آی عرضینده ممکن یئرلشدیریلمه‌سیندن گئدیر. بونونلا یاناشی، سؤزوگئدن سندده کنکرت حربی بؤلمه‌لرین یئرلشدیریلمه‌سی ایله باغلی هر هانسی امرین وئریلدیی باره‌ده معلومات یوخ‌دور.

پلانلاشدیرما آمریکا پرزیدنتی دونالد ترامپین کوبایا قارشی اقتصادی تضییقلری آرتیردیغی و واشینگتونون آدادا سیاسی اصلاحاتلارا چاغیریش ائتدیی بیر واخت‌دا آپاریلیر".

قید ائدک کی، آمریکا پرزیدنتی دونالد ترامپ اؤلکه‌سینین کوبایا حربی مداخیله ائدجه‌یی ادعالارینی تکذیب ائدیب.