ایرانین گورجوستان‌داکی سفیری سید علی موجانی فیسبوک صحیفه‌سین‌ده پایلاشیمی ایله دیپلوماتیک قالماقال یارادیب.

Axar.az خبر وئریر کی، دیپلومات ایران سفیرلیی‌نین بیناسی‌نین فاسادینا پرویئکسییا اولونموش گورجو چاریچاسی کئتوانین تصویرینی پایلاشاراق تئزلیکله بو تاریخی شخصیت باره‌ده ایلکین آراشدیرمالارینین نتیجه‌لرینی تقدیم ائدجه‌یینی بیلدیریب.

سفیرین بو حرکتی گورجوستان پارلامنتینین عضولری طرفیندن کسکین ناراضی‌لیقلا قارشیلانیب. پارلامنتین خارجی علاقه‌لر کومیته‌سینین صدری نیکولوز سامخارادزه ایران سفیرینی دیپلوماتیک پروتوکول چرچیوه‌سینده قالماغا و تاریخی مسئله‌لره دایر شرحلردن چکینمه‌یی توصیه ائدیب.

«سفیره مصلحت گؤروره‌م کی، تاریخی ائکسکورسلارا دریندن باش وورماسین، چونکی بو، اونون ایشی دئییل. اگر ایکی اؤلکه آراسیندا نورمال مناسیبتلرین قورونوب ساخلانیلماسینی ایسته‌ییرسه، بئله چیخیشلاردان چکینمه‌لی‌دیر»، - دئیه او علاوه ائدیب.

کومیته صدری قید ائدیب کی، مسئله گورجوستانین خارجی ایشلر ناظری ماکا بوچوریشویلی ایله اونون اؤلکه‌یه قاییتماسیندان سونرا مذاکیره اولوناجاق.

پارلامنتین حاکم «گورجو آرزوسو» پارتییاسیندان اولان عضولری ایراکلی کاداگیشویلی و آلودا قودوشاوری ده ایران سفیرینین پایلاشیمینین اونون صلاحیتلرین‌دن کنارا چیخدیغینی بیلدیریبلر. دپوتاتلار گورجوستان خارجی ایشلر ناظرلیینین مسئله ایله باغلی رئاکسییاسینین مطلق اولاجاغینی وورغولاییبلار.