علمی آراشدیرمانین نتیجه‌لرینه اساساً ایران ایرقچی‌لییه گؤره ۲۴ اؤلکه آراسیندا بیرینجی یئرده‌دیر.

Axar.az خبر وئریر کی، بو حاق‌دا لندن کرال کلجی سیاست اینستیتوتونون حساباتیندا بیلدیریلیب.

"ایران جمعیتی ایرقی فرقلره گؤره قونشولوق‌دا یاشایان انسانلارا قارشی مخالفت ایندکس‌ینده سورغودا اشتراک ائد‌ن ۲۴ اؤلکه آراسیندا بیرینجی یئرده‌دیر"،- حسابات‌دا قید اولونوب.

بیلدیریلیب کی، ایران‌دا رسپوندنتلرین ۲۸ فایزی فرقلی ایرق‌دن اولان بیرینین قونشوسو اولماسینی ایستمه‌دیکلرینی بیلدیریبلر.

ایرانلا باغلی معلوماتلار ۲۰۲۰-جی ایلده توپلانیب و مقایسه ائدیلن اؤلکه‌لر آراسیندا بو ایرقچی مناسبتین ان یوکسک نسبتینی گؤستریر.

ایران‌دان سونرا یونانستان ۲۴ فایز، فیلیپین ۲۱ فایز، چین ۱۸ فایز و مصر ۱۷ فایزله نوبتی یئرلری توتورلار.

دیگر طرف‌دن، مختلف ایرقی منشأ‌لی انسانلارین قونشو کیمی قبول ائدیلمه‌سینه قارشی چیخانلار سوئد و برزیل‌ده جمعی ۱ فایز، بیرلشمیش کراللیق‌دا ۲ فایز، نروژ، آلمانییا و آمریکادا ایسه ۳ فایز تشکیل ائدیب.

ایران همچینین ایمیقرانتلارین و خارجی ایشچیلرین قونشو کیمی قبول ائدیلمه‌سینه قارشی چیخان عینی ۲۴ اؤلکه آراسیندا ان یوکسک گؤستریجینی قیده آلیب.

بو بؤلمه‌ده ایران‌دا رئسپوندنتلرین ۴۲ فایزی بئله قونشولارین اولماسینی ایستمه‌دیکلرینی بیلدیریب. ایران‌دان سونرا روسیه ۳۲ فایز، ژاپن ایسه ۳۰ فایزله نوبتی یئرلرده قرارلاشیب، بو رقم چین و یونانیستان‌دا ایسه ۲۶ فایز اولوب.

ایمیقرانتلارین و خارجی ایشچیلرین قونشو کیمی قبول ائدیلمه‌سینه قارشی چیخانلار سوئد و برزیل‌ده ۳ فایز، آلمان‌دا ۴ فایز و بیرلشمیش کراللیق و نروژده ۵ فایز اولاراق قیده آلینیب.

دینی و دیل فرقلری ایله باغلی گؤستریجیلرده ایران‌دا ناراضیلیق سوییه‌سی ده یوکسک‌دیر.

ایران‌دا فرقلی دینه منسوب قونشویا قارشی ناراضی‌لیق ۳۴%-ا چاتیب؛ بو بؤلمه‌ده مقایسه ائدیلن ۱۸ اؤلکه آراسیندا ان یوکسک گؤستریجی‌دیر. چین ۳۱% ایله بو ساحه‌ده ایران‌دان سونراکی یئری توتوب.

همچینین، ایران‌دا رسپوندئنتلرین ۳۱%-ی فرقلی دیل‌ده دانیشانلا قونشو اولماق ایستمه‌دیککلرینی بیلدیریب؛ بو رقه‌م ۳۲% ایله فیلیپپین‌دن سونرا ۱۸ اؤلکه آراسیندا ایکینجی ان یوکسک گؤستریجی‌دیر. بؤیوک بریتانییادا فرقلی دینه منسوب قونشویا قارشی ناراضی‌لیق ۱%، فرق‌لی دیله منسوب قونشویا قارشی ایسه ۴% تشکیل ائدیب.

بو ۲۴ اؤلکه دنیا اهالی‌سینین تخمیناً یاریسینی احاطه ائدیر و اونلارین معلوماتلاری ۲۰۱۷-۲۰۲۲-جی ایللر آراسیندا مختلف واختلاردا توپلانیب.