یاخین واختلاردا ایرانا ضربه‌لرین برپاسی و یا اونونلا سازیش باغلاماسی باره‌ده قرار وئریله‌جک.

Axar.az خبر وئریر کی، آمریکا پرزیدنتی دونالد ترامپ بو باره‌ده آغ ائوده ژورنالیستلرین سئواللارینی جوابلاندیرارکن بیلدیریب.

"بلکه ده اونلاری دارماداغین ائده‌جه‌ییک، یا دا راضیلیغا گلجه‌ییک. بو قراری وئرمه‌لیییک. واخت باشا چاتیر. هر شئی بو و یا دیگر شکیل‌ده چوخ تئزلیکله بیته‌جک"، - او قید ائدیب.

ترامپ همچینین هرمز بوغازینا نظارتله باغلی وضعیتین دییشه بیلجه‌یینی وورغولاییب.

"ایندی هرمز بوغازیندان چوخلو مقداردا نفت کئچیر. بیز اونو اداره ائدیریک. اما دوشونوره‌م کی، بو، همیشه دییشه بیلر"، - آغ ائو رهبری بیلدیریب و علاوه ائدیب کی، سون ایکی گون‌ده بوغازدان تاریخ‌ده اوولکیندن داها چوخ نفت کئچیب.

بو آرادا، آمریکا سلاحلی قوه‌لرینین مرکزی کوماندان‌لیغی (سنتکوم) "X"ده بیلدیریب کی، ایولون اورتالاریندا ایرانین دنیز بلوکاداسی یئنی‌دن تطبیق ائدیلدیک‌دن سونرا اسلام رسپوبلیکاسی ایله علاقه‌لی ۱۲۵ تجارت گمینین استقامتینی دییشیب.