بؤیوک بریتانیادا حبسخانالاردا یئر چاتیشمازلیغی پروبلمینین حلی ایله باغلی حکومت پلانی چرچیوه‌سینده تخمیناً ۷۰۰ محبوس واختیندان اول آزادلیغا بوراخیلیب.

Axar.az خبر وئریر کی، بو باره‌ده «تلگراف» معلومات یاییب.

«بو گون اوغورلوق، زوراکیلیق و معیشت زوراکیلیغی دا داخل اولماقلا مختلف جنایتلره گؤره محکوم ائدیلمیش ۷۰۰ محبوس واختیندان اول آزادلیغا بوراخیلیب. اونلارین هامیسی حبسخانادا ۵۷۵ گوندن آز مدت کئچیریب و جزالارینین اوچده بیرینی چکدیکدن سونرا آزاد ائدیلیبلر. بؤیوک بریتانیانین عدلیه ناظیرلیینین معلوماتینا اساساً، سنتیابرین ۲۸-نه کیشی حبسخانالاریندا ۸۴ ۹۵۳ یئرلیک عمومی توتومدان جمعی ۱۱۳۴ بوش یئر اولوب. نوبتی ۱۰ آی عرضینده تخمیناً ۴۵۰۰ محبوس واختیندان اول آزادلیغا بوراخیلاجاق. بو گروپلارین هر بیرینده داها اوزون‌مدتلی حبس جزاسی آلان شخصلر ده اولاجاق. سونونجو گروپا ۱۲ ایلدن آرتیق مدته آزادلیقدان محروم‌ائتمه جزاسینا محکوم ائدیلمیش شخصلر داخل ائدیله‌جک. جمعه آخشامیندان اعتباراً آزادلیغا بوراخیلان بوتون محبوسلار آزاد ائدیلدیکدن سونرا ۴۸ ساعت عرضینده الکترون قولباق تاخاجاقلار»، - معلوماتدا دئییلیب.