قیرغیزیستان ایلک دفعه اؤز ملی پیکینی کوسموسا گؤندریب.

Axar.az خبر وئریر کی، بو باره‌ده قیرغیزیستان پرزیدنتینین آدمینیستراسییاسی معلومات یاییب.

بیلدیریلیب کی، بوراخیلیش اوکتیابرین ۱-ده آمریکانین کالیفورنییا ایشتاتینداکی واندنبرق بازاسیندان «ایسپیس ایکس» شرکتینه مخصوص «فالکون ۹» داشیییجی راکتی ایله حیاتا کئچیریلیب.

قیرغیزیستان پرزیدنتی سادیر ژاپاروو آمریکایا ایشگوزار سفری چرچیوه‌سینده بوراخیلیش مراسمین‌ده اشتراک ائدیب. پیک دیگر کوسمیک آپاراتلارلا بیرلیک‌ده اوربیته چیخاریلیب. اونون اداره ائدیلمه‌سی بیشکک‌ده‌کی مرکزدن حیاتا کئچیریله‌جک.

پیک کند تصروفاتی تورپاقلارینین، بوزلاقلارین، سو اوبیکتلرینین، مشه‌لرین و اوتلاقلارین مونیتورینگی، همچینین طبیعی اکوسیستملرده باش وئرن دییشیک‌لیکلرین ایزلنیلمه‌سی اوچون نظرده توتولوب. اونون معلوماتلاریندان یئرآلتی ثروتلردن قانون‌سوز استفادنین قارشی‌سینی آلماق، اجازه‌سیز توللانتی پولیقونلاری و دیگر چیرکله‌نمه منبع‌لرینین معینلشدیریلمه‌سی اوچون استفاده اولونماسی پلانلاشدیریلیر.

بوندان علاوه، پیک معلوماتلاری قوراق‌لیق، داشقین، تورپاق سوروشمه‌سی، سل و مئشه یانغینلاری دا داخل اولماقلا، طبیعی ریسکلرین مونیتورینگین‌ده تطبیق ائدیله‌جک. پرزیدنت آدمینیستراسییاسینین قید ائتدیی کیمی، بو، پوتنسیال تهلوکه‌لرین داها اوپراتیو معینلشدیریلمه‌سینه و ممکن ضررین آزالدیلماسی اوچون تدبیرلرین گؤرولمه‌سینه امکان وئره‌جک.