دوبی‌دن تل‌آویوه ف‌ز۱۰۷۳ ریسی ایله اوچان طیاره‌نین ایکینجی پیلوتو اوچوش زامانی کاپیتانا هجوم ائد‌رک، طیاره‌نین اداره‌سینی اله کئچیرمه‌یه و ترور آکتی تؤرتمه‌یه جهد ائدیب.

Axar.az خبر وئریر کی، بو سؤزلری بیرلشمیش عرب امیرلیکلری‌نین باش پروکورورو حمد سئیف الشمسی بو گون مئدیایا آچیقلاماسیندا دئییب.

پروکورورون سؤزلرینه گؤره، ایکینجی پیلوت کوماندیره فوق‌العاده وضعیت بالتاسی ایله هجوم ائدیب.

"استنطاق داوام ائدیر: حقوق-محافظه ارگانلارینین امکداشلاری قضانین سببلرینی، هجومچونون موتیولرینی و ممکن علاقه‌لرینی آیدینلاشدیریر، ائلجه ده فیزیکی و رقمسال ثبوتلاری آراشدیریر"، - او بیلدیریب.

قید ائدک کی، دوبی‌دن تل‌آویوه ف‌ز۱۰۷۳ ریسی سنتیابرین ۳۰-دا حیاتا کئچیریلیب. اوچوش زامانی پیلوت کابینه‌سینده کاپیتانلا ایکینجی پیلوت آراسیندا داوا دوشوب، داها سونرا هئیت و سرنیشینلر مداخیله ائدیبلر. طیاره مارشروتونو دییشه‌رک سعودییه عربستانینین تبوک هوا لیمانینا تعجیلی ائنیش ائدیب. بیر نئچه هئیت عضوو خسارت آلیب.

حادثه زامانی طیاره قیسا مدت‌ده ۱۶.۰۰۰ فوت‌دان چوخ هوندورلوک ایتیریب. یارالی کاپیتان کابین قاپی‌سینی آچماغی باجاریب، بوندان سونرا طیاره‌ده‌کی سرنیشینلر و دیگر پیلوتلار هجومچونو ضررسیزلشدیرمه‌یه کمک ائدیبلر. نتیجه‌ده طیاره تبوک‌دا تهلوکه‌سیز شکیل‌ده ائنیش ائدیب.

حادثه‌دن سونرا "فلای دبی» شیرکتی اسرائیله و اسرائیل‌دن اوچوشلاری موقتی اولاراق دایاندیریب.