روسیا خاریجی ایشلر ناظرلییی (خین) دیگر اؤلکه‌لرین وطنداشلارینا، او جمله‌دن دیپلوماتیک نماینده‌لیکلرین امکداشلارینا اوکراینادا قالماغین و بو اؤلکه‌یه سفر ائتمیین تهلوکه‌لی اولدوغو باره‌ده یئنی‌دن خبردارلیق ائدیب.

Axar.az خبر وئریر کی، بو باره‌ده روسیا خارجی ایشلر ناظرلییینین بیاناتین‌دا بیلدیریلیب.

بیانات‌دا قید اولونوب کی، روسیا سلاح‌لی قوه‌لری کی‌یئوده و اوکراینانین دیگر شهرلرین‌ده حربی تعیناتلی اوبیکتلره ضربه‌لر ائندیرمکده داوام ائدیر. روسیا خارجی ایشلر ناظرلیی بونو اوکراینا سلاح‌لی قوه‌لرینین روسیانین دینج اهالی‌سینه و ملکی اینفراستروکتورونا هجوملارینا جواب آدلاندیریب.

ناظرلیک خاطرلادیب کی، داها اول کی‌یئوده اولان خارجی وطنداشلارا و دیپلماتلارا شهری ترک ائتمک و اوکراینایا سفر ائتمکدن امتنا ائتمک، اؤلکه ساکینلرینه ایسه حربی و انضباطی اینفراستروکتور اوبیکتلرینه یاخینلاشماماق باره‌ده چاغیریش ائدیب.