اورتا دهلیز اوزره یوک دؤورییه‌سی ۲۰۲۰-جی ایلدن بری یئددی دفعه آرتیب کی، بو دا یئنی اینفراستروکتور طلب ائدیر.

Axar.az خبر وئریر کی، بونو گورجوستانین باش ناظیری ایراکلی کوباخیدز دئییب.

اونون سؤزلرینه گؤره، گورجوستان حکومتی بو استقامتده فعال ایشلییر.

«بونلار آناکلیا لیمانینین انکشافی، پوتی لیمانینین پوتنسیال گئنیشلندیریلمه‌سی، آویاسیا اینفراستروکتورو، سرعتلی آوتوموبیل یوللاری و دمیر یولونون مدرنلشدیریلمه‌سیدیر»، - کوباخیدز بیلدیریب.

تریپپ مارشروتونو رقیب حساب ائتمدیکلرینی وورغولایان کوباخیدز دئییب:

«اورتا دهلیزده یوک دؤورییه‌سی او قدر آرتیب کی، شاخه‌له‌ندیرمه‌یه احتیاج وار. تریپ مارشروتو و یا هر هانسی دیگر مارشروتون گورجوستاندان کئچه‌ن عنعنوی مارشروتلار اوچون جدی پروبلم یاراداجاغینی دوشونموروک».

او قید ائدیب کی، پلانا اساساً ۲۰۳۱-جی ایله‌دک بوتون ماگیسترال و سرعتلی آوتوموبیل یوللاری تیکیلمه‌لیدیر. دمیر یولونون مدرنلشدیریلمه‌سی ایسه هم قطارلارین سرعتینی، هم ده یوک دؤورییه‌سینی آرتیراجاق.