افغانستان چینه اوزانان ۱۲۱ کیلومترلیک واهان دهلیزی یولونو رسما آچیب.

Axar.az خبر وئریر کی، بو باره‌ده «تولو نیوز» معلومات یاییب.

ایکی ایل عرضینده تماملانان لاییحه‌نین تجارت، اقتصادی انکشاف و رگیونال ترانزیتده اهمیتلی رول اوینایاجاغی گؤزله‌نیلیر.

اؤلکه ایله پاکیستان آراسیندا فاکتیکی سرحد حساب ائدیله‌ن دوراند خطینده یئرلشه‌ن بوروگیل بؤلگه‌سیندن باشلایان و چین سرحدینه قدر اوزانان یولون آچیلیش مراسمی کئچیریلیب.

اوزونلوغو ۱۲۰ کیلومتردن چوخ اولان یول واسطه‌سیله ایکی اؤلکه آراسیندا قورو علاقه‌سی یارادیلیب.

اوجقار اراضیده یئرلشه‌ن آسفالتلانمامیش یول افغانستانا ۵،۵ میلیون دلارا باشا گلیب.

بیلدیریلیر کی، واهان دهلیزی تهلوکه‌سیزلیک باخیمیندان واجبدیر، چونکی او، سینجان اویغور مختار بؤلگه‌سینه و چینین دیگر غرب بؤلگه‌لرینه آچیلان بیر قاپیدیر.