پرزیدنت امانوئل ماکرونون تخمیناً اون ایللیک حاکمیتی فرانسانی «آوروپانین ان ضعیف حالقاسینا» چئویریب.

Axar.az خبر وئریر کی، بو باره‌ده «بلومبرگ» آگنت‌لییی معلومات یاییب.

بیلدیریلیب کی، اقتصادی فعالیتین یاواشلاماسی، آرتان بورج و سیاسی غیری-ثابت‌لیک اینوستورلارین فرانسایا اولان اینامینی سارسیدیر. پارلامنت‌ده چوخلوغا مالک اولمایان حکومت بازارلاری دولت مالیه‌سینی برپا ائتمک قابیلیتینه ایناندیراجاق بیر بودجه قبول ائتمه‌لیدیر.

قید ائدیلیر کی، پرزیدنتلیینین ایلک دؤنه‌ملرینده ماکرون امک قانونلارینی یومشالتدی و شرکتلر اوچون وئرگیلری آزالتدی. نتیجه‌ده اقتصادیات ۲%-دن چوخ آرتدی، ایشسیزلیک ایسه آزالدی.

لاکین ۲۰۱۸-جی ایلده یاناجاق وئرگیلرینی آرتیرماق پلانلاری "ساری ژیلت‌لیلر" حرکاتینین اعتراضلارینا سبب اولوب. حکومت گرگین‌لییی آزالتماق اوچون وئرگی گذشتلری و اؤدنیشلرینه ۱۰ میلیارد آورودان چوخ پول خرجله‌دی.

داها سونرا پاندمییا و انرژی بحرانی سببین‌دن خرجلر آرتدی.

آگنت‌لیک موافق حساباتلارا استنادا خبر وئریر کی، پاندمییا ایله علاقه‌لی بحران علیه‌ینه تدبیرلر و ایستیموللاشدیریجی آددیملار ۲۰۲۰-۲۰۲۲-جی ایللر اوچون تخمیناً ۱۹۰ میلیارد آورویا باشا گلیب، انرژی بحرانی دورونده ایسه خرجلر ۷۲ میلیارد آورویا یاخینلاشیب.