سعودیه عربیستانی حوثیلره قارشی محاربه‌نین یئنی مرحله‌سینه باشلاییر.

Axar.az خبر وئریر کی، بونو روسییالی پولیتولوق سرگی مارکوو دئییب.

«۱. حوثیلره قارشی گوجلو هجوملار باشلاییب و دونه‌نکی هجوم‌دا سعودیه عربیستانینین ۱۲۵ عدد دؤیوش طیاره‌سی اشتراک ائدیب.

۲. سعودیه عربیستانینین نظارتینده‌کی یمن اراضیلرینده بیر هفته اول عمومی سفربرلیک اعلان اولونوب.

۳. رسمی یمن حاکمیتی (سعودیه عربیستانینین نظارتینده اولان) حوثیلره قارشی گئنیش‌مقیاسلی هجوما باشلادیغینی آچیقلاییب.

۴. سعودیه عربیستانی، پاکیستان و تورکیه آراسیندا حربی راضیلاشما اولان «مکه پاکتی» نهایت کی، اؤز موجودلوغونو گؤستردی. پاکتا اساساً، قوشونلار سعودیه عربیستانی اراضیسینه یئرلشدیریلمه‌یه باشلاییر.

۵. بوندان اول «مکه پاکتی» سعودیه عربیستانینا ائندیریله‌ن گوجلو هجوملاردان سونرا بئله بیر نئچه هفته سوسقونلوغونو قورویوب.

۶. داها اول حوثیلر ده هجوما کئچمیشدی. ۱) اونلار سعودیه عربیستانینین نفت اخراج ائتدیی باب المندب بوغازینا نظارتی اله کئچیریب؛ ۲) بوتون تانکرلرین کئچیدینه اجازه وئرجکلرینی، سعودیه عربیستانینا مخصوص تانکرلرین ایسه بوراخیلمایاجاغینی بیلدیریبلر؛ ۳) سعودیه عربیستانینین نفت-گاز اینفراستروکتورونا راکت و درونلارلا گوجلو ضربه‌لر ائندیریلیب. نتیجه‌ده جدی پروبلملر یارانیب.

۷. بئله‌لیکله، سعودیه عربیستانی عکس-هجوما کئچیر.

۸. «مکه پاکتی» ایسه گئوسیاسی باخیمدان موجودلوغونو ثبوت ائتمه‌لی اولدوغو بیر سیناقلا اوز-اوز‌دیر»، - او بیلدیریب.

قید ائدک کی، اؤتن گون مکه سازشی چرچیوه‌سینده تورکیه و پاکیستان قوه‌لرینین عربیستانا یئرلشدیریلمه‌سی باره‌ده قرار قبول اولونوب.