آد گونون‌ده پوتینه روسیا اوردوسو چرنیگوو ویلایتینین پریلوکی شهرین‌ده‌کی داغیدیلمیش یاشاییش بیناسینی هدیه ائدیب.

Axar.az خبر وئریر کی، بونو اوکراینا پرزیدنتی ولادیمیر زلنسکی دئییب.

«بو، عادی بیر بئشمرتبه‌لی یاشاییش بیناسی ایدی. تأسف کی، حاضرکی معلوماتا گؤره، بش نفر هلاک اولوب، ۲۶ نفر ایسه خسارت آلیب. داغینتیلار آلتیندا هله ده انسانلار قالا بیلر. خیلاص ائدیجیلر حادثه یئرینده فاصیله‌سیز چالیشیر.

روسیانین راکت ضربه‌لری همچینین دنئرده داها بئش یاشاییش بیناسینا و کرمنچوک‌دا دؤرد هوندورمرتبه‌لی بینایا زیان ووروب. تأسف کی، اورادا ایکی نفر هلاک اولوب، سککیز نفر ایسه یارالانیب.

زاپوروژیده هوندورمرتبه‌لی بینا پوا ضربه‌سینه معروض قالیب. کیئوده روسلار ایکی نفری اؤلدوروب. آلئکساندرییادا داها ایکی نفر حیاتینی ایتیریب. هلاک اولانلارین عائله‌لرینه و یاخینلارینا باشساغلیغی وئریرم. عمومی‌لیکده اؤتن گئجه کیئوده و ۱۲ بؤلگه‌ده اینفراستروکتور هوجوما معروض قالیب»، - زلنسکی بیلدیریب.

اونون سؤزلرینه گؤره، اساس هدفلردن بیری اوکراینانین انرژی سئکتورو اولوب:

«روسلار آغیر و نوماییشکارانه بیر ضربه ائندیرمک ایستییردیلر. بو، ان آلچاق هجوملاردان بیری ایدی».

قید ائدک کی، بو گون پوتینین ۷۴ یاشی تمام اولور.