اوکراینا صلحه نایل اولماق اوچون حل یوللارینی آراشدیرماغا حاضردیر و طرفداشلاری ایله ۵ فرقلی آتشکس فورماتی اوزرینده ایشله‌ییر.

Axar.az خبر وئریر کی، بونو اوکراینا خارجی ایشلر ناظیرلیینین مطبوعات کاتبی گئورگی تیخی بیلدیریب.

او دئییب کی، سؤزوگئدن فورماتلار اوکراینانین خارجی ایشلر ناظیری آندری سیبیگانین اوللر قید ائتدیی فورماتلارلا عینیدیر:

۱. تام و قید-شرط‌سیز آتشکس - اوکراینانین ۲۰۲۵-جی ایلین مارت آییندا دستکله‌مه‌یه راضیلاشدیغی عمومی آتشکس. بو مقاوله قوه‌ده قالیر و روسیانین قارشی‌لیقلی قرارینی گؤزله‌ییر؛

۲. قارا دنیز فورماتی - تورکیه و مصرله بیرگه حاضرلانان قارا دنیزده تهلوکه‌سیزلیک تکلیفلری؛

۳. قارا دنیزده ارزاق تهلوکه‌سیزلیی - هیندیستانین فعال اشتراکی ایله قیدا اخراجاتینین قورونماسی قراری؛

۴. هیندیستانین تکلیف ائتدیی انرژی آتشکسی - هیندیستانین فعال شکلده چالیشدیغی انرژی اینفراستروکتورو سکتوروندا آتشکس؛

۵. آمریکا انرژی آتشکسی - اوکراینا پرزیدنتی ولادیمیر زلنسکی و آمریکا لیدری دونالد ترامپ طرفیندن مذاکره ائدیله‌ن انرژی سکتوروندا آتشکس اوزرینده ایش.

اونون سؤزلرینه گؤره، بو فورماتلار اوکراینا دیپلماتلارینین اشتراکی ایله حاضیرلانیب، رئالدیر و قارشی‌لیقلی فایدالیدیر.