نیویورکدا دونیا شاه مات تاجی اوغروندا نروئچلی ماقنوس کارلسئن و روسیالی سرگئی کاریاگین آراسیندا کئچیریلن گوروش باشا چاتیب.

آخار.آذ خبر وئریر کی، تای- برئکده 3ـ1 حئسابی ایله کاریاگینه قالیب گلن کارلسئن دونیا چئمپیونو تیتولونو قورویوب.

قارشیلاشمانین اساس مرحله سی هئچ ـ هئچه بیتدیگیندن (6:6) قالیب حل ائدیجی مرحله ده ـ سورعتلی شاه ماتدا معین ائدیلیب.

تورنیرین موکافات فوندو 1 میلیون آورو تشکیل ائدیر. موکافاتین 55 فایزی قالیبه، 45 فایزی ایسه ایکینجی یئرین ساحیبینه وئریلیر.

قئید ائدک کی، ماقنوس کارلسئن و سئرگئی کاریاگین آراسینداکی گوروش روسیا پرئزیدئنتی ولادیمیر پوتین طرفیندن ده ایزله نیلیردی. کرئملین متبوعات کاتیبی دمیتری پئسکوو پوتینین بیر چوخلاری کیمی روس قروسمئیستئر سئرگئی کاریاگینه آزارکئشلیک ائتدیگینی بیلدیرمیشدی.