ایرانین ناظیرلر کابینئتی اؤلکنین دمیر یوللاری ایداره سینین یئنی باش دیرئکتورونو تعیین ائدیب.

آپا-نین معلوماتینا گؤره، ناظیرلر کابینئتینین قرارینا اساسا سعید محمدزاده ایرانین دمیر یوللاری ایداره سینین یئنی باش دیرئکتورو و ریاست هئیتینین صدری وظیفه سینه تعیین ائدیلیب.

ایران پرئزیدئنتی حسن روحانی سعید محمدزاده نی بو وظیفه یه سئچیلمه سی موناسیبت ایله تبریک ائدیب: "اومید ائدیرم کی، دمیر یوللارینین ستراتئژی اهمیتی نی، قونشو اؤلکه لرله سرنیشین داشیمالاری و محصوللارین ترانزیتینده اؤنملی رولونو نظره آلاراق، بو ساحه ده داها آکتیو فعالیتین شاهیدی اولاجاییق. دمیر یوللارین اینکیشاف ائتدیریلمه سی ایران حوکومتینین اونم وئردیگی مؤوضودور".

قید ائدک کی ایران دمیر یوللاری ایداره سینین کئچمیش دیرئکتورو محسن پورسعیدآقایی بیر مدت اونجه ایکی قطارین توققوشماسی و 40- دان چوخ اینسانین هلاک اولماسی نین آردینجا آیران خالقیندان عذر ایستیَرَک توتدوغو وظیفه دن ایستئفا وئریب.