روسییانین ناتویا جاواب تدبیرلری چرچیوه سینده کالینینگراددا اینشا ائتدیگی یئنی حربی بازانین گؤرونتولری یاییلیب.

آخار.آذ خبر وئریر کی, پولشا و لیتوا آراسیندا یئرلشن, بالتیک دنیزی ساحیلینده کی بو شهرده هاوا هوجوموندان مودافیعه بازاسی اینشا ائدیلیر.

بازادا یئرلشدیریله جک "ایسکندر" راکئتلری نین نووه باشلیغی ایله تجهیز اولوناجاغی ایستیثنا ائدیلمیر.

اینگیلتَره مطبوعاتی اینشا ایشلرینین دوام ائتدییی بیر واختدا بؤلگه ده "توچکا یو" یئرلشدیریلدی یینی یازیب.

آیریجا راکئتین اولدوغو یئرده دینله مه مرکزی یئرله شیر. بو مرکز دونیادا ان گوجلو دینلمه ایستانسییالاریندان بیردیر.

بو آرادا روسییانین "رئد ایستار" تیله کانالی کالینینگرادا یئریدیلن جانلی قوه لرین گررونتوسونو یاییب. تبلیغات خاراکتئرلی ویدئودا سیلاحلی عسکرلرین ناتو نقطه لرینی "اله کئچیردییی", گمی لریندن راکئت آتیلدیغی عکس اولونوب.

حاضیردا موسکووا رهبیرلییی نین قراری ایله اس-400 هاوا هوجوموندان سونرا مودافیعه سیستئملری کالینینگراددا یئرلشدیریلیب. ناتونون آوروُپانین اوره یینده بازا قوران روسییایا نئجه بیر جاواب وئره جه یی مااراقلا گؤزله نیلیر.