یونانیستانین پایتاختی آفینادا تئررورچولار امک ناظیرلیینه تئررور هوجومو رئاللاشدیرماغا جهد گؤستریبلر.

آخار. آز خبر وئریر کی، نامعلوم شخصلر ناظیرلیین اینضیباطی بیناسینا بومبا یئرلشدیریبلر. داها سونرا «سینتاکتون» قزئتینه زنگ ائد‌ن نامعلوم شخص شهر مرکزین‌ده یئرلشه‌ن ناظرلیک‌ده پارتلاییش اولاجاغینی دئییب.

حادثه‌یه درحال موداخیله ائد‌ن پولیس بینانی محاصره‌یه آلیب، آختاریشلارا باشلاییب. آختاریش زامانی بینانین اؤن قیسمین‌ده دمیر بارماق‌لیقلارا آسیلمیش شوبهه‌لی چانتا آشکارلانیب. متخصصلرین ایشتیراکی ایله چانتاداکی پارتلاییجی مادده ضررسیزلشدیریلیب.

خاتیرلاداق کی، بیر مدت اؤنجه فرانسانین آفینادا یئرلشه‌ن سفیرلیینه موتوسیکلئت‌لی ایکی شخص طرفین‌دن هوجوم اولموش‌دو. حادثه زامانی ۱ تهلوکه‌سیزلیک ایشچی‌سی یارالانمیش‌دی.