پالمیرایا هوجوم حلبله باغلی‌دیر. اونلار سورییا اوردوسونون شهرده‌کی ایرلیلییشینی دایاندیرماغا چالیشیرلار.

آخار. آز خبر وئریر کی، بونو سورییا پرئزیدئنتی بشر اسد روسییانین آر. ت تئلئکانالینا موصاحیبه‌سین‌ده دئییب. دؤولت باش‌چی‌سینین سؤزلرینه گؤره، قرب اؤلکه‌لری تئررورچولارین مغلوب ائدیلمه‌سینی ایستمیر:

«دوشون‌دولر کی، اوردونو پالمیرایا یؤنلدجییک، حلب یاددان چیخاجاق. طبیعی کی، بو پلانلار ایشه یارامادی. قرب دینج ساکینلری یوخ، تئررورچولاری قورویور. ایشید پالمیرایا هوجوم ائتدیک‌دن سونرا هئچ بیر قرب اؤلکه‌سی بونا رئاکسییا وئرمه‌دی.

اونلار ایصرارلا روسییا و ایران‌دان، اؤز دیللری ایله دئسک، «شدتی دایاندیرماغی» طلب ائدیرلر. آنجاق قیسا مدت اؤنجه ۶ قرب اؤلکه‌سی آتشکس ایمضالانماسینی طلب ائدیردی. بو، اوردونون ایرلیلدیی بیر واخت‌دا باش وئرمیش‌دی.

سیاست‌ده سطیرآلتی معنالاری اوخوماق چوخ اؤنم‌لی‌دیر. نه سوروشدوقلاری اؤنم‌لی دئییل. آچیقلامالار بو شکیل‌ده وئریلیر: روسییا سورییا اوردوسونون تئررورچولارا قارشی ایرلیلییشینی دایان‌دیرسین. آچیقلامانین اصل معناسی ایسه بئله‌دیر: تئررورچولارا قالیب گله‌رک چوخ ایر‌لی گئتدینیز، بئله اولمامالیی‌دی. سورییالیلارا بونو دئمه‌لی‌سه‌ن. تئررورچولار بؤلگه‌ده قالمالی و اونلاری مدافعه ائتمک مجبوریتیندییک».