آوروپا بیرلیگی لیدئرلری یالنیز ناتو ایله امکداش‌لیق چرچیوه‌سین‌ده اتفاقین مدافعه‌سینین گوجلندیریلمه‌سی حاقیندا قرار وئریبلر.

آخار. آز خبر وئریر کی، بونو ژورنالیستلره آچیقلاماسین‌دا آوروپا شوراسینین صدری دونالد توسک سؤیله‌ییب. آلیانسلا علاقه‌لرین اؤنم‌لی اولدوغونو خارطیرلادان توسک آوروپا بیرلییینین داها چوخ اؤز وطنداشلارینین مدافعه‌سی اوچون فعالیت آپارمالی اولدوغونو بیلدیریب.

قئید ائدک کی، بون‌دان اؤنجه آوروپا کومیس‌سییاسینین صدری ژان کلود یونکئر آوروپا بیرلییی اوردوسونون یارادیلماسی گرکدیینی بیلدیریب. او، آمئریکا بیرلشمیش شتاتلاری بون‌دان سونرا آوروپا بیرلییینی مدافعه ائتمیجیینی و آوروپانین اؤز تالعیی حاقین‌دا قرار وئرمه‌لی اولدوغونو سؤیله‌ییب. یونکئرین بو چیخیشی آوروپا بیرلییینه عضو بعضی دؤولتلرین اعتراضینا سبب اولوب. آوروپا اوردوسونون یارادیلماسینا داها چوخ بؤیوک بریتانییا و پولشا اعتراض ائدیب