تورکییه‌نی ایشید-دن نئفت آلماق‌دا گوناهلاندیران آمئریکا بیرلشمیش شتاتلاری مرکزی کشفیات ایداره‌سی (م.ک.ی) رسمی آنکارادان عذر ایسته‌ییب.

آخار . آذ خبر وئریر کی، م.ک.ی داها اؤنجه یاییلان سندین ساختا اولدوغونو اعتراف ائدیب.

قئید ائدک کی، ۲۰۱۴-جو ایلده آمئریکا بیرلشمیش شیتاتلاری دؤولت کاتیبی جون کئرری توپلانتی‌سیندا تورکییه‌نین خاریجی ایشلر ناظیری مؤولود چاووش اوغلونا «الیمیزده سیزین ایشید-دن نئفت آلدیغینیزی ثبوت ائد‌جک سندلر وار»، دئمیشدی. چاووش اوغلو ایسه «جون، سیزه بو معلوماتی اؤتوره‌نلری تانیییریق. میصیرله علاقه‌لره گؤره بعضی عرب اؤلکه‌لری بیزدن قیصاص آلماق ایستییر. بو، چوخ جدی بیر اتهام‌دیر. منه او سندلری گؤسترین»، - جاوابینی وئرمیش‌دی.

چاووش اوغلو بیر نئچه آی سونرا توپلانتیلارین بیرینده کئرری‌دن نؤوبتی دفعه سندلری ایسته‌سه ده، رسمی واشینگتون اونو اورتایا چیخارا بیلمه میش‌دی.

اوزون مدت‌دن سونرا کئرری چاووش اوغلونا بیر سند گؤندریر. آنکارا خ.ی.ن همین سندی آراشدیریلماسی اوچون میللی ایستیحبارات تشکیلاتینا (م.ی.ت) تحویل وئریر. سندین ایچینده‌کی معلوماتلار و کووردیناتلار آراشدیریلدیق‌دان سونرا اوبیئکتین تامامیله سهو بؤلگه - کیلیس بلدییه‌سینین بیناسی اولدوغو آیدینلاشیب.

بو حادثه‌دن سونرا کئرری چاووش اوغلودان شیفاهی عذر ایسته‌سه ده، م ک ی آنکارایا رسمی عوذرخواهلیق مکتوبو دا اونوانلاییب.