باراک اوباما آمئریکا بیرلشمیش شتاتلاریندا کئچیریلن پرئزیدئنت سئچکیلریندن اول روسییا پرئزیدئنتی ولادیمیر پوتینه زنگ ائد‌رک، سئچکیلره هر هانسی بیر موداخیلنین سلاحلی قارشی‌دورمایا سبب اولاجاغینی دئییب.

آخار.آذ خبر وئریر کی، بو باره‌ده ان بی سی کانالی معلومات یاییب. خبرده اوبامانین ۳۱ اوکتیابردا آمئریکا بیرلشمیش شتاتلاری و روس لیدئرلرینین بیرباشا علاقه یاراتماسی اوچون حاظیرلانمیش «قیرمیزی تئلئفون»دان ایلک دفعه ایستیفاده ائد‌رک، دراماتیک بیر آددیم آتدیغی بیلدیریلیب.

تئلئفون دانیشیغی زامانی آغ ائو رهبری پوتینه کیبئر (سیبر) هوجوملارلا باغلی خبردارلیق ائدیب و سئچکیلره موداخیله‌نین سلاحلی قارشی‌دورمایا سبب اولاجاغینی خاطیرلادیب.

بو فاکتین اوزه چیخماسین‌دان سونرا آنکارادا روس سفیرین اؤلدورولمه‌سینین سئچکیلره موداخیله ایله علاقه‌لی اولدوغو ادعا ائدیلیر.

ان بی سی کانالی سویوق محاربه دؤورون‌ده علاقه واسطه‌سی اولان «قیرمیزی تئلئفون»دان ۱۱ سئنتیابر حادثه‌لری کیمی فؤق العاده حاللاردا ایستیفاده اولوندوغونو قئید ائدیب.

خاطیرلاداق کی، مرکزی کشفیات ایداره سی و دیگر کشفیات تشکیلاتلاری ترامپین پرئزیدئنت سئچیلمه‌سین‌ده روسییانین بارماغی اولدوغونو دفعه‌لرله وورغولاییب.