آمئریکا بیرلشمیش شتاتلاری روسییانین تورکییه‌ده‌کی سفیری آندرئی کارلووون قتلی ایله هئچ بیر علاقه‌سی یوخ‌دور، جینایتین موتیولری ایله باغلی نتیجه چیخارماق ایسه هله چوخ تئزدیر.

آخار. آز خبر وئریر کی، بونو آمئرکا دؤولت دئپارتامئنتینین رسمی‌سی جون کیربی ژورنالیستلره آچیقلاماسین‌دا دئییب.

اونون سؤزلرینه گؤره، ایستینتاق یئکونلاشمامیش بو جور ادعالار سسله‌ن‌دیرمک یول وئریلمزدیر:

«دؤولت کاتیبی تورکییه خاریجی ایشلر ناظیرلییی رهبری ایله دانیشیقلاری زامانی فتح اللاه گوله‌نین بورادا اولماسی سببین‌دن آمئریکا بیرلشمیش شتاتلارینین ایرنج قتل له گویا علاقه‌لی اولماسینا دایر سسلنه‌ن ریتوریکادان ناراحات‌لیغینی ایفاده ائدیب. بو جور اتهاملار تامامیله یالان‌دیر و هئچ بیر حقیقته اساس‌لانمیر».