سیزین یوروتدویونوز سیاست بوتون خزریانی دؤولتلره فایدا گتیره‌جک.

آپا -نین وئردیی معلوماتا گؤره، بو سؤزلری قازاخیستان پرئزیدئنتی نورسولطان نازاربایئو اؤلکه‌سینده رسمی سفرده اولان ایرانلی همکاری حسن روحانی ایله گؤروشو زامانی سؤیله‌ییب. او بیلدیریب کی، ایران قازاخیستان اوچون موسلمان دونیاسیندا واجیب طرفداش، خزر بؤلگه‌سینده قونشو و دوست اؤلکه‌دیر: «قازاخیستان خالقی نووه مسئله‌سینین حلین‌ده سیزین بؤیوک اَمه یینیزی یوکسک قیمتله ندیریر. بو، بؤیوک بیر قلبه‌دیر. سانکسییالارین لغویندن بیر ایل واخت کئچیب و ایران اقتصادیاتینین اینکیشافیندا بیر چوخ شئیه نایل اولونوب. بو، ایرانلا قازاخیستان آراسیندا موناسیبتلرین اینکیشافینا اؤز تأثیرینی گؤستریب».

قازاخ خالقینی موستقیللیین ۲۵ ایللیی موناسیبتیله تبریک ائد‌ن روحانی اؤلکه‌سی ایله غرب دؤولتلری آراسیندا نووه راضیلاشماسینین الده اولونماسینا نازاربایئوین وئردیی تؤحفه‌یه گؤره اونا تشککورونو ایفاده ائدیب: «من شخصاً سیزه ایرانین «آلتیلیق» دؤولتلری ایله راضیلیق الده ائتمه‌سینه ناییل اولماق و بیرگه تدبیرلر پلانینین واختیندا حیاتا کئچیریلمه‌سی مسئله‌لرین‌ده اوینادیغینیز خصوصی رولا گؤره تشککور ائدیره‌م. ایرانلا قازاخیستان آراسیندا سوله مقصدلری اوچون ایستیفاده اولوناجاق نووه ائنئرژی‌سینه دایر ثمره‌لی امکداشلیغا گؤره میننتدارلیغیمیزی چاتدیریرام».