روسییانین تورکییه‌ده‌کی سفیری آندرئی کارلووو قتله یئتیره‌ن پولیس مأمورو مؤولود مرد آلتینداشین جسدینی والیدئینلری قبول ائتمه‌ییب.

پوب‌لیکا . آذ خبر وئریر کی، قاتیلین آناسی حامدییه آلتینداش «منیم باشیمی یئره سوخان، دوشمن‌لیک ائد‌ن اوغلوم یوخدور» دئیه بیلدیریب.

او، اوغلونون جسدینی ایستمه دیکلرینی آچیقلاییب: «جنازه‌سینی کیمسه‌سیزلر مزارلیغیندا باس‌دیرین. بیز دؤولتیمیزی و میللتیمیزی سئوه‌ن اینسانلاریق. عائله‌جه فئتؤ-یا قارشیییق. اوغلوموزون بیر تئررور تشکیلاتی ایله باغلانتی‌سینین اولاجاغینی بیلمیردیک. بؤیوتدویوموز اوغلوموزون بئله بیری اولاجاغینی بیلمزدیک. فئتؤ ایله علاقه‌سینین اولدوغونو بیلسه یدیک، پولیسه خبر وئرردیک. هم وطنیمیزی، هم ده اوغلوموزو خلاص ائدردیک».

آلتینداشین داییسی ایسه آنا و آتانین چوخ عذاب چکدیینی قئید ائدیب.

«هئچ بیر آنا دونیایا وطن خایینی گتیرمز. وطن خاینی سونرادان اولور»، - دئیه او بیلدیریب.