اؤلومجول و گئنئتیک بیر خسته‌لییه توتولان اوشاغین گؤرونتولری گؤره‌نلری تعججوبله ندیریب.

آخشام . آذ-این معلوماتا گؤره، سورییادا باش وئرمیش محاربه ایله علاقه دار اولاراق تورکییه‌یه سیغینان عائله‌نین ۷ یاشلی اوشاغی محمد ابدولمجید ائرکه‌ن یاشلانما خسته لیین‌دن اذیت چکیر. پروگئریا آراشدیرما مرکزینین وئردیی آچیقلامایا گؤره، بو، ۲۰ میلیون‌دا بیر راست گلینه‌ن خسته‌لیک‌دیر.

"دیگر اوشاقلار کیمی من ده مکتبه گئتمک، اوخوماق ایسته ییرم، لاکین کوچه‌یه چیخاندا هر کس منه قریبه شکیل‌ده باخیر"، - دئیه محمد بیلدیریب. عائله‌سی ایسه ائوده بوتون گوزگولری ییغیشدیردیقلارینی، اورادا اؤز عکسینی گؤره‌نده اونون عصبیله شدیینی سؤیله‌ییب.

آلمانییادا اوزونو عملیات ائتدیریب گله‌جکده حکیم اولماق ایسته دیینی سؤیله‌یه‌ن محمدین خسته لیینی حکیملر آغیر اولاراق دیرلندیریب. بو خسته‌لییه صاحب اوشاقلارین ایسه ۱۴ ایلده‌ن آرتیق یاشامادیقلارینی آچیقلاییبلار.