روسییایا مخصوص تو-۱۵۴ تیپ‌لی طییاره تاریخی بیر گون‌ده قضایا اوغراییب.

آخار. آز خبر وئریر کی، هر کس اوچون ۲۵ دئکابر اس اس ار ای-نین (سووئتلر بیرلیگی) سوقوط گونودور. ۲۵ ایل اؤنجه، ۱۹۹۱-جی ایل دئکابرین ۲۵-ده گورباچوو سووئتلر بیرلیگینین پرئزیدئنتی وظیفه‌سیندن ایستئفا وئردیینی رسمن اعلان ائدیب و سووئتلر بیرلیگی آدلی دؤولت تاریخه گؤمولوب.

روسییا رسمیلری طییاریه هر هانسی هوجوم احتیمالینین اولمادیغینی بیلدیرسلر ده، محض بو گونده فاجیوی قضانین باش وئرمه‌سی بؤیوک قولر آراسیندا یاشانان موناقسشه نین نتیجه‌سی اولماسی احتیمالینی دا گونده‌مده ساخلاییر. نظره آلاق کی، طییاره‌ده اولان شخصلر سورییانین لازکییه بؤلگه‌سین‌ده دؤیوشن روس عسگرلرینه دستک اوچون گئدیردی.

قئید ائدک کی، روسییانین سوچی شهرین‌دن سورییایا گئدن تو-۱۵۴ طییارسی قارا دنیزده ساحلدن ۶ کیلومئترلیک مسافه‌ده قضایا اوغراییب. طییاره‌ده ۸ ائکیپاژ عضوو، ۹ ژورنالیست، روسییا مدافعه ناظیرلیینین "آلئکساندروو" آدلی ماهنی-رقص آنسامبلینین ۶۴ عضوو، ۸ عسگر، ۲ فئدئرال حکومت عضوو اولوب. ژورنالیستلر روسییانین بیرینجی کانالینین و «زوئزدا» تئلئکانالینین امکداشلاری‌دیر. بو واختا قدر دنیزدن ۱۰ جسد چیخاریلیب.

روسییا ایستینتاق کومیتسی باش وئرمیش طییاره قضاسی ایله باغلی جینایت ایشی آچیب.