گورجوستان اؤز اوردوسونون عالی ظابط هئیتینی جدی شکیل‌ده ایختیصار ائد‌جک.

آخار. آز خبر وئریر کی، بونو ژورنالیستلره آچیقلاماسین‌دا گورجوستان مدافعه ناظری لئوان ایزورییا سؤیله‌ییب.

«حاضردا بیزیم اوردودا ۲۶۶ پولکوونیک وار. اونلاردان یالنیز ۱۵۵-ی رئال خیدمت کئچیر. بیز اونلارین سایینی ۱۰۰-ه قدر آزالتماق ایستییریک».

گورجوستانین «آرسئنال» ژورنالی ایسه اوردودا یوکسک روتبه‌لی ظابطلرین ایختیصارینین سببلرینی معین ائتمه‌یه چالیشیب. ژورنال تیفلیسین بونونلا اوردونو گنجلش‌دیرمک ایستدیینی بیلدیریب:

«گورجوستان اوردوسون‌دا پولکوونیک اوچون یاش حدی۵۵-دیر. بون‌دان علاوه سابیق پولکوونیکلر ۵۰، کاپیتانلار ایسه ۴۵ ایل حربی خیدمت کئچه بیلرلر. بو شخصلر چالیشیرلار کی، ان آخیرینجی مقاما قدر خیدمت ائتسینلر. نتیجه‌ده اوردودا دؤولت حسابینا قربده تعلیم کئچمیش گنج ظابطلرین کاریئرا آرتیمی ضعیفلییر. گنج ظابطلر ایسه بونون اوجباتین‌دان تئز-تئز اؤز ایستکلری ایله اوردودان آیریلیرلار کی، بو دا اوردونون دؤیوش قابیلیتینی آزالدیر».

قئید ائدک کی، گورجوستان اوردوسونون سایی ۳۷ مین نفردیر.