قارا دنیزه دوشن تو-۱۵۴ طیاره‌سینین «قارا قوتو»سون‌داکی یازینین ایلکین تحلیلی قضانین پیلوتلارین سهوی اوجباتین‌دان باش وئردیینی تصدیقلییر.

آخار. آز خبر وئریر کی، معلوماتلی منبع‌نین سؤزلرینه گؤره، «قارا قوتو»داکی یازینین تحلیلی قضانین ایدارئتمه‌ده‌کی سهوله باغلیلیغینین پریوریتئت وئرسییا اولماسی باره‌ده نتیجه چیخارماغا اساس وئریر. «اینتئرفاکس» آگئنت‌لیگی تحقیقاتین هله‌لیک رسمی اولمایان دیگر مهم تفررواتلاری باره‌ده ده معلومات وئریب. ایلکین معلوماتا گؤره، تو-۱۵۴ طیاره‌سی قانادلارینین قالدیریجی قوه‌سینین اوچوش اوچون یئترلی اولماماسی سببین‌دن قضایا اوغراییب.

خاطیرلاداق کی، تو-۱۵۴ طیاره‌سی بازار گونو سحر هاوایا قالخدیق‌دان بیر نئچه دقیقه سونرا سوچی یاخینلیغین‌دا قارا دنیزه دوشوب. اونون گؤیرته‌سین‌ده‌کی ۹۲ نفرین هامی‌سی – حربی قوللوق‌چولار، ژورنالیستلر، مشهور حکیم یئلیزاوئتا قلینکا، همچینین آلئکساندروو آدینا حربی آنسامبلین موسیقی‌چیلری هلاک اولوب. طیاره‌نین قالیقلاری قضادان بیر نئچه ساعت سونرا سوچی رایونون‌دا ساحل‌دن ۱،۵ کیلومئتر آرالی‌دا، سویون ۵۰-۷۰ مئتر درینلیین‌ده آشکارلانیب.