گرجستان و روسییانین گازپروم شیرکتی آراسین‌دا گرجستان اراضی‌سین‌دن ائرمنیستانا اؤتورولن طبیعی گازین ترانزیت حاقی باره‌ده دانیشیقلارین بیرینجی مرحله‌سی دئکابر آیینین اورتالارین‌دا کئچیریلیب و دانیشیقلار زامانی طرفلر کومپرومیسه گلمییبلر. جاری موقاویله‌نین واختی دئکابرین ۳۱-ده باشا چاتیر.

آپا-نین گرجستان بوروسونون معلوماتینا گؤره، گرجستان باش ناظرینین معاوینی، ائنئرگئتیکا ناظری کاخا کالادزئ طرفلر آراسین‌دا دانیشیقلارین داوام ائدجیینی بیلدیریب. او دئییب کی، اؤلکه‌سینین موقعیی دییشمز قالاجاق: «روسییا ترانزیت حاقی اولاراق گرجستانا وئردیی ۱۰% طبیعی قاضی پوللا عوض له‌مک ایستییر. گرجستان ایسه اؤلکه اراضی‌سین‌دن نقل اولونان طبیعی گازین ترانزیت حاقی کیمی پول ایستمیر و طبیعی گازین ۱۰%-نی ایستییر».

قئید اولونوب کی، ویانادا کئچیریلن نؤوبتی دانیشیقلارین واختی هله معلوم دئییل.