ایرانین «شهروند» قزئتی آرالاریندا قادین و اوشاقلارین دا اولدوغو اونلارلا آدامین تئهرانداکی ناصیراباد قبیریستانلیغین‌دا یاشادیقلارینی گؤرونتوله‌یه‌ن رئپورتاژ یاییب.

آ۲۴ . آذ خبر وئریر کی، رئپورتاژ اؤلکه‌ده جدی رئزونانس یارادیب.

اولایا ایران پرئزیدئنتی ده رئاکسییا وئریب. خبرین آردیندان اؤلکه‌ده‌کی یوخسوللوقلا باغلی جدی تدبیرلره باشلانیب، پروکورورلوگ طرفیندن ائوسیزلر دوشرگه‌لره گتیریلیب.

"اوسکار" موکافاتلی ایران رئژیسسوو اصغر فرهادی مؤوضوع ایلا علاقه دار پرئزیدئنت حسن روحانییه مکتوب یازاراق اؤلکه‌ده‌کی یوخسوللوقلا باغلی تنقیدی فیکیرلرینی بیلدیریب. فرهادی «سارسیدیجی حادثه» کیمی قیمتله ندیردیی خبری اوخودوقدان سونرا اوتانج دویدوغونو ایفاده ائدیب: «اؤلکه‌ده ۳۰ ایلده‌ن آرتیق مسئولیت صاحیبی اولان و منیم دورومومدا اولان کسلرین ده عینی اوتانجی دویماسی مقصدیله بو مکتوبو یازدیم».

فرهادی مکتوبوندا روحانی و ایرانلی صلاحیتلی لره «یوخسوللوغون شیلله‌سی ایله اوزلری قیزارمیش شرفلی اینسانلارین وضعیتینی گؤرمک اوچون خالقین ایچریسینه گئتمه یی» تکلیف ائدیب.

ایسنا آگئنت‌لیگی پرئزیدئنت روحانینین فرهادینین مکتوبونا جاواب وئردیینی بیلدیریر: «فرهادینین «آغریلی» مکتوبونو اوخودوم و کدرلندیم. بعضی اینسانلارین یوخسوللوق سببیله کارتون کومالاردا، کؤرپو آلتلارین‌دا یاشادیغینی ائشیتمیشیک، آنجاق قبیرلرده یاشایانلاردان خبریم یوخ ایدی. بو مثلاً آنالیز ائد‌ن‌ده اوتاندیم و قهردن بوغازیم قورودو».

دیگر طرفدن، اصلاحاتچی قانادا منصوب "حقوق" قزئتی خبرین یاییملانماسین‌دان سونرا ائوسیزلرین قبیریستانلیق‌دان دؤیوله‌رک چیخاریلدیغینی ادعا ائدیب. تئهران والیسی حسین هاشیمی ایسه ادعالارین دوغرو اولمادیغینی دئیه‌رک، قبیرلرده یاشایانلارین نارکوتیک آلوده‌چیلری اولدوقلارینی بیلدیریب.