۱۹۱۴-جو ایلین دئکابرین‌دا بیرینجی دونیا محاربه‌سینین ایشتیراک‌چیلاری هئچ بیر راضی‌لیق و رسمیت اولمادان آتشکس ائدیرلر. آلمانلار، اینگیلیسلر و فرانسیزلار سلاحلاری یئره قویاراق بیرلیک‌ده میلاد بایرامینی قوتلاییر، رقص ائدیر، ایله‌نیرلر.

آخار. آز خبر وئریر کی، بو حاقدا معلوماتی ایلک دفعه اولاراق بریتانییا نشری "میررور" یاییر.

عسگرلر سنگردن چیخاراق بیر-بیرینین بایرامینی تبریک ائدیر. ایلک اولاراق آلمانلار اینگیلیسلره دئییر:

"میلاد بایرامینیز موبارک، اینگیلیسلر!"

عینی حال فرانسیزلارلا دا باش وئریر، عسگرلر بیر-بیرینی یئمه‌یه قوناق ائدیر، دردلشیر، فوتبول اویناییرلار. بو عنعنه موختلیف جبهه‌لرده یاییلماغا باشلاییر. عسگرلر بوندان سونراکی بوتون بایراملاری بئله قئید ائتمک قرارینا گلیرلر، اما کوماندیرلرینین قطعی تاپشیریغی بونا مانع اولور.

۱۹۱۴-جو ایلین دئکابری محاربه داخیلین‌ده اولسا بئله، صولحون و اینسانلیغین سیموولو اولاراق تاریخه دوشور.