ایستانبول‌دا "رئینا" گئجه کلوبوندا تئررور آکتی تؤره‌دن شخصین حیات یولداشینین پولیسه وئردیی ایلکین ایفاده یاییلیب.

اؤلکه .آذ خبر وئریر کی، تئررورچونون حیات یولداشی تورکییه‌یه نویابرین ۲۰-ده گلدیکلرینی تصدیقله‌ییب.

"حیات یولداشیم و ایکی اوشاغیمیزلا بیرلیکده کونیایا گلدیک. یولداشیم بورادا ائو توتدو و ایش آختاراجاغینی دئدی. اونون ایشید-له باغلی علاقه‌سیندن شوبهلنمه میشه‌م. اونون بو تشکیلاتا هانسیسا بیر رغبتینین اولدوغونو حیسس ائلمه میشه‌م".

او بیلدیریب کی، حیات یولداشینین بو حادثه‌نی تؤرتمه‌سینی تئلئویزییادان اؤیره نیب. داها سونرا ایسه قونشولار بو باره‌ده پولیسه معلومات وئریب.

قئید ائدک کی، «رئینا» گئجه کلوبونا هوجوم ائد‌ن شخص هله ده یاخالانماییب. آختاریشلار داوام ائدیر.

خاطیرلاداق کی، بایرام گئجه‌سی ایستانبولون اورتاکؤی رایونون‌دا یئرلشه‌ن «رئینا» گئجه کلوبونا هوجوم ائدیلیب. نتیجه‌ده ۴۰ نفر هلاک اولوب.