«فرات قالخانی» حرکاتی چرچیوه‌سین‌ده تورکییه‌نین ۸ مین نفرلیک اوردوسو سورییایا گیره بیلر.

آخار. آز یئنی شفق-ه ایستینادا خبر وئریر کی، یاخین واختلاردا باشلایاجاق گئنیش میقیاس‌لی حربی عملیاتلاردا اساس آپاریجی قوه تورک اوردوسو اولاجاق. آزاد سورییا اوردوسو (آسو) ایسه لازیم گلدیک‌ده عملیاتلارا دستک وئره‌جک.

معلوماتا گؤره، حربی عملیاتلارین واختی بیر دفعه تاخیره سالینیب. بونا سبب ایسه آکیل داغی بؤلگه‌سین‌ده ۱۴ حربچینین ایتیریلمه‌سی اولوب.

تورکییه اوردوسونون باش قرارگاهی عملیات اوچون بوتون حاضرلیقلاری تاماملاییب.

ید ائدک کی، حاضردا «فرات قالخانی» حرکاتینا ۳ مین حرب‌چی جلب اولونوب.

ایشید-این ده بؤلگه‌ده مدافعه تدبیرلری گؤردویو دئییلیر. الده اولونان معلوماتا گؤره، ترورچولار فرات چایین‌دان حلبه گئدن اساس سو بوروسونو پارتلاداراق تورک تانکلارینین قارشی‌سینی آلماغا چالیشاجاق.

باش قرارگاه طرفین‌دن حاضرلانان سون پلانینا اساساً، عملیات‌دا ایشتیراک ائد‌جک حرب‌چیلرین بؤیوک اکثریتی خصوصی تعینات‌لی قوه‌لردن تشکیل ائدیله‌جک.

آزاد سورییا اوردوسوندان بؤلگه‌نی یاخشی تانییان تعلیم گؤرموش ۱۰۰ سلاحلی عملیاتلارا جلب اولوناجاق.